Оқу орындары

ЖОО туралы

Шоқан Уәлиханов атындағы Көкшетау университеті – Солтүстік Қазақстанның жетекші өңірлік жоғары оқу орындарының бірі, 50 жылдан астам білім беру жүйесінде көшбасшы. Университет 23.05.1996 ж. Ш. Уәлиханов атындағы Көкшетау педагогикалық институтының, ауыл шаруашылығы институтының және Қарағанды политехникалық институты филиалының негізінде құрылды. Жоғары және жоғары оқу орнынан кейінгі білімі бар кадрларды даярлау бакалавриаттың 56 білім беру бағдарламасы, магистратураның 45 білім беру бағдарламасы және докторантураның 6 білім беру бағдарламасы бойынша жүргізіледі. Университет алғаш рет 2021 жылы QS EECA рейтингінің топ 300-ге кірді, 2022 жылы Орталық Азия және Шығыс Еуропа бойынша 150 университеттің қатарына кіру мақсатында QS EECA рейтингісіне одан әрі қатысу жоспарлануда. 2018 жылы Солтүстік Қазақстанда алғаш рет университет базасында Жалпы медицина факультеті ашылды. Бүгінгі таңда факультет контингенті 304 студентті құрайды, оның ішінде 300 адам - Үндістан мен Пәкістаннан келген студенттер. Университеттің профессорлық-оқытушылық құрамына 410 штаттық оқытушы кіреді, олардың ішінде 20 ғылым докторы, 92 ғылым кандидаты, 17 PhD докторы, 214 магистр бар. "Болашақ" бағдарламасы бойынша 40 қызметкер халықаралық тағылымдамадан өтті; ЭРАЗМУС, ТЕМПУС, DAAD, LOGO және т. б. гранттар мен бағдарламалар іске асырылуда. "Қазақстан Республикасының жоғары оқу орындарына шетелдік мамандарды тарту" бағдарламасы бойынша университетке дәріс оқу және ғылыми консультациялар өткізу үшін әлемнің 15 елінен 45 шетелдік профессор келді. Академиялық ұтқырлық бағдарламасы аясында шетелдік жоғары оқу орындарында 116 білім алушы мен оқытушы білім алды. Шетелдік жоғары оқу орындарының 100 студенті университетте білім алды. Университет Балтық Халықаралық академиясымен, Латвиямен жасалған шарттар аясында магистрлік білім берудің екі дипломды бағдарламалары жүзеге асырады. Университетте білім алушылардың шығармашылық дамуы және спорттық-бұқаралық іс-шараларды өткізу үшін барлық қажетті жағдайлар жасалған. "Жауқазын" студенттік жастар театры; "Impulse" би студиясы; "Шаңырақ" халық аспаптар ансамблі; вокалдық ән айту мектебі, дыбыс жазу студиясы, 18 спорт секциясы тұрақты жұмыс істейді. Кәсіби және жеке өсуге, белсенді азаматтық ұстанымды қалыптастыруға ықпал ететін қызығушылықтары бойынша 37 студенттік клубтар мен бірлестіктер жұмыс істейді. Университеттің материалдық - техникалық базасы 5 оқу ғимараты, 2 жатақхана, 3 студенттер үйі, ғалымдар үйі, 2 дене шынықтыру-сауықтыру кешені – барлығы 13 нысан. Зеренді курорттық аймағында "Тұлпар"спорттық-сауықтыру кешені бар. Тегін медициналық қызмет көрсетуді ұйымдастыру үшін университетте 4 медициналық пункт және көпсалалы "Арасан"емдеу-сауықтыру кешені жұмыс істейді. Білім алушыларға кәсіпкерлік қызмет дағдыларын дарыту мақсатында "StartUp" академиясының инновациялық құрылымы құрылды. Университетте компьютерлік және интерактивті техника паркі жеткілікті түрде дамыған: компьютерлердің жалпы саны – 830, жалпы жергілікті желімен біріктірілген, 44 мультимедиялық кабинет және заманауи жабдықтармен жабдықталған 29 компьютерлік сынып бар.