Оқу орындары

ЖОО туралы

Алматы Менеджмент Университеті (AlmaU) – әлемдік деңгейдегі әлеуметтік жауапкершілігі мол кәсіпкерлік университет. 1988 жылы негізі қаланған AlmaU бүгінгі таңда бакалавриат, магистратура, докторантура (PhD) бағдарламаларынан бастап MBA, DBA, Executive education бизнес білім беру бағдарламаларына және қысқа мерзімді оқу бағдарламаларына дейінгі барлық оқыту сатыларын ұсынады. AlmaU АҚШ-тың жетекші жоғары оқу орындарының бірі - Arizona State University стратегиялық серіктесі болып табылады (инновация бойынша АҚШ-тағы №1 университет). AlmaU студенттері американдық диплом мен АҚШ-та жұмыс істеу құқығын ала алады. AlmaU МВА бағдарламалары Орталық Азия мен Қазақстанда AMBA (Association of MBA's, UK, London) аккредитациясына ие. Executive MBA бағдарламасы QS Executive MBA Rankings 2021 Халықаралық рейтингінің үздік бірлескен бағдарламалары арасында 22-ші орынға ие болды. AlmaU IQA CEEMAN халықаралық сапа аккредитациясын қайта алған Қазақстандағы жалғыз университет. AlmaU бірлескен бағдарламалар, зерттеулер мен жобалар бойынша 40-тан астам елдегі 130-дан астам ЖОО-мен ынтымақтасады. Ресейлік "АЦ Эксперт" басылымының нұсқасы бойынша AlmaU шетелдік жоғары оқу орындарымен қос диплом бағдарламаларының саны бойынша (ТМД-дағы 26-дан) 2-ші орын алады. Университетте "QAYNAR BULAQ – Алматының қайнау нүктесі" ұжымдық жұмыс кеңістігі жұмыс істейді, онда әрбір адам білім беру және іскерлік іс-шараларды тегін ұйымдастыра немесе қатыса алады, кәсіби қоғамдастықтарда оқыта және оқи алады, жобаны іске асыру үшін команда жинай алады, сарапшылар немесе инвесторлар таба алады. Бүгінгі таңда AlmaU - табысты түлектер, студенттер, оқытушылар және серіктестер қоғамдастығы болып табылады. Университет білім беру арқылы экономикалық өсуді қолдай отырып, Орталық Азия бойынша кәсіпкерлік ойлауды таратады.