Оқу орындары

ЖОО туралы

Лев Гумилев атындағы Еуразия ұлттық университеті – ширек ғасырлық тарихы бар Қазақстан Республикасындағы жетекші жоғары оқу орындарының бірі. Л.Н.Гумилев атындағы ЕҰУ Халықаралық Жоғары мектеп ғылым академиясына, Еуразиялық университеттер қауымдастығына және ТМД мен Балтық елдерінің халықаралық зерттеулер, Халықаралық университеттер және еуропалық жоғары оқу орындары қауымдастығына кіреді. 2005 жылы Болонья қаласында (Италия) Еуропа университеттерінің Ұлы Хартиясына қол қойды. 2004 жылы Халықаралық қор Швейцария үкіметінің қолдауымен интеграциялық қызметтегі жетістіктері үшін университет ұжымына «Мінсіз іскерлік беделі үшін» және «Іскерлік тәжірибедегі Жоғары сапасы үшін» алтын медальдарын табыс етті. 2005 жылы Л.Н.Гумилев атындағы ЕҰУ Оксфорд университетінде «Біріккен Еуропа» беделді халықаралық медаліне ие болды. 2006 жылы қазіргі қоғамның интеллектуалды дамуына қосқан үлесі үшін Сократ атындағы халықаралық марапат алды (Оксфорд). 2007 жылы «ТМД-ның үздік компаниясы» Алтын жұлдызымен марапатталды. ЕҰУ QS агенттігінің нұсқасы бойынша әлемнің үздік 400 ЖОО-ның қатарына кіреді. Университет Қазақстанның жоғары оқу орындарының ТОП-20 бас рейтингінде бірінші орын алады және еліміздің үздік Көпбейінді жоғары оқу орындарының ұлттық рейтингінің үздік үштігіне кіреді. Л.Н.Гумилев атындағы ЕҰУ білім беру бағдарламалары ұлттық және халықаралық рейтингтерде жетекші орынға ие. Халықаралық ынтымақтастық Еуроодақ, Америка, Океания, Азия, Африка, ТМД елдерінің шетелдік жоғары оқу орындарымен, ғылыми орталықтарымен және басқа да ғылыми ұйымдарымен, халықаралық ғылыми-білім беру қорларымен, Қазақстандағы елшіліктермен және өкілдіктермен 116 шарт негізінде жүзеге асырылады. 2001 жылы Л.Н.Гумилев атындағы ЕҰУ базасында М.В.Ломоносов атындағы ММУ-дың Қазақстандық филиалы ашылды. ЕҰУ Қазақстандық жоғары оқу орындарының ішінде ТМД елдерінің желілік университеті мен ШЫҰ елдері университеті шеңберінде қос дипломды магистрлік білім беруді алғашқы болып іске асыруға кірісті. Л.Н.Гумилев атындағы ЕҰУ-дың білім беру қызметі кадрларды даярлаудың үш деңгейлі жүйесі бойынша жүргізіледі: бакалавриат-магистратура-PhD докторантура. Университет құрамына 13 факультет кіреді (Механика-математика факультеті, Ақпараттық технологиялар факультеті, Сәулет-құрылыс факультеті, Жаратылыстану ғылымдары факультеті, Әлеуметтік ғылымдар факультеті, Заң факультеті, Филология факультеті, Экономика факультеті, Халықаралық қатынастар факультеті, Физика-техникалық факультеті, Журналистика және саясаттану факультеті, Тарих факультеті және Көлік-энергетика факультеті). Сондай-ақ екі әскери-есептік мамандық бойынша даярлықты жүзеге асыратын әскери кафедра жұмыс істейді. Бүгінгі күні университет құрамында жаратылыстану-техникалық және әлеуметтік-гуманитарлық бағыттар бойынша ғылыми зерттеулер жүргізілетін 28 ғылыми бөлімше жұмыс істейді. Ғылыми-зерттеу қызметінің негізгі бағыты іргелі ғылым мәселелерін, сондай-ақ Қазақстан Республикасының әлеуметтік-экономикалық дамуының басым бағыттарын шешуге қатысу болып табылады. Студенттер университетті басқаруға, ЖОО қызметінің түрлі мәселелерін шешуге және басшылық алдында білім алушылардың мүдделерін білдіруге қатысады. ЕҰУ-да жастар саясатының даму мәселелері, студенттердің әлеуметтік қорғалуы, ұлттық және аймақтық жастар ұйымдарымен жұмыс жүргізумен айналысатын Жастар саясаты орталығы құрылған. Студент тұлғасының шығармашылық дамуы үшін барлық жағдай бар. Шығармашылық бірлестік келесі бағыттар бойынша жұмыс істейді: вокалды-аспаптық ансамбль, оркестр, шоу-балет, театр, КВН, дебат клубы, еріктілер орталықтары, телерадиостудия, т.б.