Атырау - Қазақстандағы қала, Атырау облысының әкімшілік орталығы. Еліміздің батыс бөлігінде, Жайық өзенінің жағасында орналасқан. Қала тұрғындарының саны 315 274 адамды құрайды.
Қала белсенді дамып келеді. Мұнда көптеген қызықты жерлер бар. Қалада Жайықтың сол (Азия) және оң (Еуропа) жағалауын байланыстыратын 8 көпір бар. 2001 жылы Тәуелсіздіктің 10 жылдығына арналған аспалы жаяу жүргіншілер көпірі салынып, ұзындығы 551 метр болатын бұл көпір әлемдегі ең ұзын жаяу жүргіншілер көпірі ретінде Гиннестің рекордтар кітабына енген.
Қалада 3 жоғары оқу орны бар, онда 188 шетелдік студент оқиды.
Атырау - Қазақстанның бейресми мұнай астанасы. Мұнда отандық және шетелдік жетекші мұнай-газ компаниялары мен кәсіпорындары, мұнай өңдеу зауыттары жұмыс істейді.